Vote hamara Kartawya!

Is se pahle ki hum dosh de kisi aur ko, khud ko note kare…

Agar banana ho achhi sarkar, soch samajh kar vote kare..

Roz padhte hain tadke uth ke akhbaar ko itminan se,

Ek baar jaroor padhe har party ke manifesto ko dhyan se..

Gaur se dekhe ki kya kuchh badla hai pichhli chunao ki baton se,

Ya fir wahi poorani jhuti wado ki kahani, netaon ke jhanso se..

Yeh hai desh ka sabse bada talent show,

Sacche aur sahi ko vote de, chahe jo ho so ho..

Is se pahle ki hum yeh soche ki desh ne hame kya diya hai,

Hamen sochna hai kya hamne sani netaon ka chunav kiya hai?

Itihas sakchhi hai ki ek sahi wyaktitwa hi desh ko aage le ja sakta hai,

Warna mahan se mahan rajya ka patan kahin itihas gadh sakta hai…

Vote ki Hai aaj yeh takat aapke haath main,

Apna haath Jagannath ko badle aaj hum sakshya main..

De kar Zaroor se vote, Usi sakhsiyat ko banaye neta…

Jise dekhkar garv se kah sake saara desh….Yeh hai Hamara Neta…

Aao Le Pran!, Laga ke apna tan man,

Chunav ke din tadke uth kar, taiyar ho jayenge,

Sahi  party awam neta ko vote de , desh ke sacchhe nagrik kahlayenge.!

Bharat maa  ka aap sabko wasta hai, mera yeh ahwan hai,

Vote jaroor de, yeh kartawya bharat maa ki bhakti ke saman hai…